Nagkiddaw iti lokal a gobierno iti siudad ti Baguio iti umuna a pondo a P500 milion manipod iti Tourism Infrastructure and Enterprise Zone Authority para iti rehabilitasyon iti sewerage treatment plant (STP) iti siudad ti Baguio.
Sigun kenni Mayor Benjamin Magalong, mangnamnamada a maituloy ti suporta iti TIEZA nga inkari ni Mark Lapid, general manager ken COO iti ahensya.
Mapatta-patta a dumanon iti nasurok P1 bilion ti pakabuklan a gatad iti proyekto, a pakairamanan iti panangibangon iti baro nga STP ken panang-upgrade iti sewerage network.
Panggep daytoy a marisut ti dumakdakkel a populasion iti siudad ken maliklikan ti polusion kadagiti karayan.
Nagballaag ti Environment Management Bureau (EMB-DENR) seknan iti nangato a lebel iti fecal coliform iti Balili ken Bued rivers gapu iti limitado a kapasidad iti agdama a pasilidad.
Nu saan a matuloy ti proyekto, mabalin a sumango iti siudad kadagiti multa a dumanon iti agingga iti P200,000 tunggal aldaw gapu kadagiti panaglabsing iti environmental regulations.
