BAGUIO CITY – Siento por siento a nakasagana ti Baguio City Police Office (BCPO) para iti umadani a Holy Week, Summer Vacation ken Election.
Iti interview ti Bombo Radyo Baguio ken BCPO Information Officer PLtCol. Judy Jasmine Palicos, kinunana a nakasaganada a mangipaay iti assistance ken seguridad para kadagiti umili ken turista manipod nangrugi dagiti dadakkel nga aktibidad iti syudad agingga malpas dagitoy.
Kagiddan iti dayta, kinunana nga awan iti nakitada pay a pangta iti seguridad ditoy syudad iti insayangkatda a risk ken threath assesmentMangnamnamada pay nga agtultuloy daytoy agingga malpas ti summer vaction, holy week ken eleksyon
Imbinsa ti opisyal a naiwarasen dagiti myembro dagitoy kadagiti nagduduma a lugar partikular kadagiti kadawyan a pagturturungan dagiti tao kas iti parke, malls, merkado ken simbaan
Innayunna a tutukanda metlaeng ti traffic management ken pannakaipaay ti assistance kadagiti motorista para iti naannayas a kasasaad ti trapiko iti syudad
Dinakamatna nga awan pay ti kiniddawada nga augmentation agsipod ta kabaelanda pay nga imanehar ti pannakaimanehar ti linak ken kapya nangruna ta naulimek ti syudad ken adda dagiti Non Government Organizations ken opisyal ti Barangay nga agserbi kas force multipliers a tumulong kadakuada.
