Napasaran dagiti lugar iti makin-abagatan ti pagilian a China ti panaglayos ken napigsa a tudo gapu iti Bagyong Noul.
Sigun kadagiti report ti otoridad, agarup 800,000 nga indibidual ti nagbakwit manipud kadagiti nagduduma a probinsya sadiay bayat nga agarup 350 flights met ti nakanselar idiay Hong Kong.
Agarup 20 met nga indibidual ti nadangran gapu iti nasao a bagyo.
Manamnama met ti agtultuloy a panagbayakabak ti tudo sadiay agingga inton Martes.
Gapu iti dadael nga intunda ti nasao a bagyo, nangipaay ti gobyerno ti China iti 100 milyong yuan wenno katukadna iti P820-M para iti relief ken rehabilitasyon.
Ti Bagyong Noul ket ti sigud a bagyong Kiyapo a tinmama iti pagilian a Pilipinas idi napalabas a lawas. //bombokaren.c.sapirao