Nakaimprentan ti 60% a balota dagiti kameng ti Commission on Elections (COMELEC) a kasapulan para iti umadanin a 2025 National ken Local Elections.
Namnamaen ni COMELEC Chairman George Garcia a malpas ti panagimprenta inton Marso baente, bayat a ti manual ken automated varification kadagiti balota ket inton Abril katorse, iti agdama a tawen.
Dumanon iti uppat a pulo ket uppat a milion ti naimprenta, manipod iti pito pulo ket dua a milion a panagimprenta.
Kinuna ni Garcia a nabalinanda a pinagtalinaed ti bagida nga “on track” iti laksid ti agsasaruno a temporary restraining order a sinangoda seknan iti opisial a listaan dagiti kandidato.
Kabayatanna, kinuna ni Garcia nga agbanbantayda iti lokal a lebel tapno tapno sumurot dagiti kandidato a mangikabil kadagiti campaign materials iti labes dagiti naituding a lugar.
Immunan a nangisayangakat COMELEC ti “Oplan Baklas” tapno maibaba dagiti illegal campaign posters ken tarpaulins iti panangrugi ti siam a pulo nga aldaw a campaign period.
Amin a saan nga agtulnog iti pagannurutan ket sumango iti kaso wenno madiskwalipikar manipod iti panagtaray.
