TUBA, BENGUET – Naiyawiden dagiti bangkay dagiti tallo nga indibidual a pimmusay iti napasamak nga aksidente idiay Sitio Begis, Taloy Sur, Tuba, Benguet.
Maipalagip a pimmusay dagitoy pakairamanan ti 10 anyos a lalaki, bayat a nadangran dagiti tallo a kaduada kalpasan a natnag ti naglugananda nga Mitsubishi Montero iti rangkis iti Plispis-Aspiras highway iti nasao a barangay idi laeng kalman, Abril 19.
Nabigbig dagiti pimmusay a da Jasper Marcuap, Rodolfo Marcuap, ken ti maysa nga ubing, bin-ig a tubo ti Candelaria, Quezon.
Dagiti met nadangran ket da Kristel Marcuap ken ti kaduada a dua a menor de edad.
Sigun kadagiti otoridad paturong dagitoy iti syudad ti Baguio.
Nupay kasta, naawanan ti control ti driver rason a natnagda iti rangkis.
Naireport a died on the spot da Jasper ken Rodolfo bayat a ti 10-anyos a lalaki ket indeklara ti attending physicians iti Baguio General Hospital and Medical Center (BGHMC) a dead on arrival.
Iti agdama, manarimaanen ti pannakaimbestigar ti rason ti nasao nga aksidente.
