--Ads--
Inwaragawag ti Vatican babaen ti maysa nga statement a mabalin nga ipaay dagiti tattao ti maudi a panagraemda kenni Pope Francis iti St. Peter’s Basilica manipud Mierkoles agingga iti Biernes.
Ti Santo Papa, a pimmusay iti tawenna a walo pulo ket walo, ket maimatangan iti uneg ti lunggonna iti nasao a simbaan.
Mabalin a sumarungkar dagiti matalek a Katoliko ken ti publiko manipod iti onse ti bigat agingga iti tengnga ti rabii iti Mierkoles, alas 7:00 ti bigat agingga iti tengnga ti rabii iti Huebes ken alas 7:00 ti bigat agingga iti alas 7:00 ti rabii iti Biernes.
