--Ads--
BAGUIO CITY – Nasarakanen ti bangkay ti maysa nga indibidual a napukaw manipod idi November 14, 2020 sadiay Brgy. Guinihon, Mayoyao, Ifugao
Nabigbig daytoy a ni BEN MAINAH, 85-anyos, naasawaan ken residente iti nasao a lugar.
Sigun kenni Mayoyao PNP Chief PLt. Cosme Flores, aksidente a naigalis ti biktima kabayatan ti panagballasiwna iti karayan
Malaksid iti dayta, kinunana a napigsa ti panagayos ti danum iti nasao a gundaway a nangitunda iti pannakaiyanud ti biktima.
Naiyawid metten ti bangkay iti balay ti pamilyana.
