BAGUIO CITY – Sumangsango iti kaso nga indiscriminate firing ti maysa a barangay captain sadiay Bangued, Abra.
Nabigbig daytoy a ni Claudio Adriano Bobias, 55-anyos, Punong Barangay ti Lingtan, Bangued, Abra.
Maibasar iti report, nakaawat ti Bangued Municipal Police Station iti report seknan iti maatap a panangipaputok ti nasao a kapitan iti paltogna.
Dagus met a nagresponde dagiti pulis ken ditoy a naaktuwan wenno naimatanganda ti panangipasa ti kapitan iti maysa a pouch iti kabarangay daytoy a dagus nga immadayo.
Nakumpiska ti nasao a pouch a naglaon ti maysa a caliber .380 nga addaan innem a bala; 45 a bala ti caliber .30; 10 a bala ti 9mm ken tallo a bala ti calber .380.
Naiturong ti nasao a kapitan iti istasyon ti pulisya para iti kaskenan a proseso.
