--Ads--
Impasigurado ni Department of Social Welfare and Development (DSWD) Secretary Rex Gatchalian nga agipilada ti reklamo kontra iti barangay official idiay Davao del Sur nga adda pakainaiganna iti korapsyon.
Imbes ngamin a P10,000 a cash assistance ti awaten ti masikog a benepisyaryo ket maatap a P1,500 laengen gapu ta inala ti saanen a nainaganan a barangay official.
Sigun kenni Gatchalian, saan nga iti pay-out center ti DSWD ti nakapasamakan ti maatap a korapsyon.
Impettengna a buo wenno kompleto a P10,000 ti ipapaay ti DSWD a cash assistance.
Gapu iti daytoy, binallaagan ni Gatchalian dagiti barangay officials a saanda a gundawayan ti cash assistance wenno ayuda a maipaay kadagiti benepisyaryo iti masakupanda a barangay.
