--Ads--
Balligi a napapanaw dagiti barko ti China iti exclusive economic zone (EEZ) babaen kadagiti kameng ti Philippine Coast Guard (PCG).
Daytoy ket kalpasan a naobserbaran isuda a simrek iti baybay ti Pilipinas nga asideg idiay Burgos, Ilocos Norte idi Mayo a uno.
Indeploy metten ti Philippine Coast Guard ti barko ti Pilipinas a BRP Teresa Magbanua ken maysa nga eroplano a mangmonitor ken mangisayangkat iti radio challenge iti barko ti China.
Kabayatan ti operasion ti nasao nga ahensia,naimatangan dagiti kameng ti Philippine Coast Guard ti maysa a submersible vessel, pakairamanan ti rigid hull inflatable boat, nga agturong iti Chinese vessel.
