BAGUIO CITY- Pinagyaman ti Bureau of Fire Protection Cordillera ni Benguet Congressman Eric Go Yap ken Presidential Adviser on Legislative Affairs Secretary Luzverfeda Pascual para iti kabarbaro a firetruck a naipaima kadagitoy sadiay munisipyo ti La Trinidad.
Sigun kenni FSenior Inspector Victor Sayapen Jr, hepe ti La Trinidad Fire Department, dakkel a katulungan dagitoy iti operasyonda ti baru nga firetruck nga aggatad iti nasurok P11M.
Innayon pay ti opisyal a dagiti uppat a firetruck nga ar-aramaten dagitoy ket daanen ken nagatang dagitoy uppat a dekadan ti napalabas.
Ti nasao a lugan ket addaan ti fully automated feature ken saanen a kasapulan nga ioperate a manu-mano agsipud ta centralised ti control daytoy.
Malaksid iti dayta, nakasagana metten dagiti Search and Rescue wenno SAR equipments iti nasao a lugan tapno dagus a maaramat nu adda ti responde dagitoy.
