Umanamong ni Batangas 2nd District Rep. Gerville Luistro iti presensiya dagiti media ken ti pannakaiparang ti pre-trial conference iti impeachment case ni Vice President Sara Duterte.
Nupay kasta, kinunana a kasapulan a maawatan ti publiko ti benneg ti impeachment court no apay a saanda a niluktan iti publiko ti naisayangkat a pre-trial conference.
Sigun kenni Luistro, nainget, maulit-ulit, ken makabannog ti pre-trial conference, nangruna ti panangmarka kadagiti ebidensia isu’t gapuna a daytoy ti pampanunuten ti impeachment court.
Iti baet dayta, maiparuar metlaeng iti publiko dagiti napagsaritaan ken pagsaritaanda kadagiti sumarsaruno a conference.
Maipalagip a saan a nalukatan iti media ti immuna a pre-trial iti kaso ni VP Sara ken ti laeng paset ti session ti napalubusan nga i-cover ti media.
Kabayatanna, naituding a maangay ti conference intun sumaruno a lawas no sadino, sumango manen ti prosecution ken defence panel iti Senado.
