--Ads--
BAGUIO CITY – Manamnama a maibangon ti Benguet Convention Center idiay La Trinidad, Benguet.
Daytoy ket tapno maakomodar ti adu a bilang dagiti indibidual nga agbuya tunggal marambakan ti selebrasyon ken daduma nga aktibidad iti probinsiya.
Sigun kenni Congressman Eric Yap, ad-adalenda pay ti panakaibangon ti convention center tapno maipasigurado ti natibker a pundasyon ken kalidad daytoy.
Malaksid iti dayta, maur-uray ti pondo para iti nasao a proyekto.
Positibo met daytoy a dakkel ti tulong a maipaay ti manamnama a convention center kadagiti umili iti nasao a probinsiya.//Bombo Jerwin Aquino
