Nalaos ti panagyaman ni Zynah Ydia Rosario ti natakawan sadiay Aurora Hill, Baguio City idi laeng sabado, Abril a sais agsipud ta saan a dinangran dagitoy dagiti agtatakaw.
Iti interview ti Bombo Radyo kenkuana, kinuna nga iti baet a natakaw dagiti gadgets daytoy, pagyamananna latta ta saan a nadangran daytoy.
Sigun kenkuana, nakaturog daytoy iti boarding house-na bayat ti napasamak nga insidente.
Apaman a nakariing daytoy ket naklaat ta nakalukaten ti ruangan imbes a nakapodlock daytoy sakbay a naturog, natakaw dagiti gadgetsna ken nakaiwara pay dagiti usarna iti salas.
Gapu iti daytoy, dagus nga inreportna iti Police Station 6 ti nasao nga insidente.
Nupay kasta, kinuna dagiti otoridad nga agturong ti nasao a biktima kadagiti paglakwan ti gadgets tapno icheckna agsipud ta patien dagitoy nga inlako dagiti suspek dagiti natakaw a gadgets.
Dagiti natakaw a gadgets ken dua nga iphone, dua a laptop ken maysa nga ipad.
Iti dayta, nga aldaw saan laeng a ni Rosario ti natakawan agsipud ta natakawan metlaeng ti kaabay daytoy a kwarto.
Iti agdama, panggep metten ni Rosario nga agalis ti boarding house para iti seguridad daytoy.//Bombo Rosemarie Bulsao
