BAGUIO CITY – Controlled ti bilang dagiti agar-aramat ti iligal a droga iti Baguio City gapu iti panagtinnulong ti City Drug Enforcement Unit ken Philippine Drug Enforcement Agency – Cordillera ken daduma a kameng ti pulisya tapno malapdan ti panagserrek ti iligal a droga iti rehiyon.
Kinuna ni PMaj. Harriet Bulcio, panakangiwat ti Baguio City Police Office, agtataud ti iligal a droga iti daduma a rehiyon kas iti Manila, rason a nainget ti maipatpatungpal a panagbantay kadagiti bus terminals.
Malaksid iti dayta, bambantayanda pay dagiti bahay-painoman, ken dagiti transport sektor seknan iti panagaramat ti iligal a droga.
Kabayatanna, dakkel ti tulong dagiti barangay officials seknan iti dagus a panakaipadamag dagiti iligal nga aktibidad.
Iti baet dayta, agtultuloy ti nainget nga anti-drug efforts ti Philippine Drug Enforcement Agency, Philippine National Police – Cordillera ken daduma a law enforcement units tapno malapdan ti illegal drug operation ken tubngaren ti panagmula ti marijuana iti rehiyon Cordillera.
