--Ads--
Ngimmato ti nailista a bilang dagiti indibidual a pimmusay iti 12 gapu iti bagyo a Crising, habagat ken Low Pressure Area iti Pilipinas.
Dagiti pimmusay ket pakairamanan dagiti lima nga indibidual sadiay Calabarzon, tallo nga indibidual sadiay Negros Island Region ken saggagaysa sadiay Metro Manila, Mimaropa, Northern Mindanao, ken Bangsamoro Autonomous Region in Muslim Mindanao (BARRM).
Malaksid iti dayta, dumanon iti walo nga indibidual ti mapukpukaw bayat a pito ti nadangran.
Kabayatanna, 115 met a pasaheros, uppat a rolling cargoes ken dua a barko ti agtaltalinaed nga stranded gapu paylaeng iti saan a nasayaat a sasaaden ti panawen.
