--Ads--
Kinumpirmar ti Philippine Coast Guard (PCG) a dumanonen iti bilang a limapulo ket uppat dagiti nakumpirmar a pimmusay iti pannakalned ti MV Trisha Kerstin kalpasan a rekober ti maysa pay a bangkay kabayatan iti maipatpatungpal nga seach operations sadiay.
Sigun iti nasao nga ahensiya, narekober ti nasao a bangkay iti mismo a wreck site wenno nakalnedan ti nasao a barko iti pinagtipon a pwersa ti Philippine National Police-Scene of the Crime Operatives (PNP-SOCO), City Disaster Risk Reduction and Management Office (CDRRMO), ken Coast Guard District Southwestern Mindanao (CGDSWM).
Innayonda pay nga iti agdama, adda pay ti 25 a mapukpukaw. // Bombo Karen Calpoe Sapirao
