BAGUIO CITY – Nasaruk 300 a Pantawid Pasada Cards ti saan pay a naala dagiti benipisyaryo ditoy Baguio City agingga iti agdama.
Gapu iti dayta, umap-apela ni Land Transportation and Franchising and Regulatory Board-CAR Regional Director Engr. Lallaine Sobremonte kadagiti benepisiaryo manipod iti public transport iti Pantawid Pasada a saan pay a nakaala iti cash cards nga apandan alaen dagitoy sadiay Landbank of the Philippines Baguio Branch.
Sigun ken Sobremonte, manipod iti 683 nga operators iti Public Utility Jeepney a na-qualify para iti Fuel Cards ket dumanon laeng iti 335 dagiti nagclaim manipod Abril 28, 2022.
Kinunana a dagiti 348 a saan pay a nangala iti cash cards da ket mabalbalakadan nga agturong sadiay Landbank of the Philippines Marcos Highway Baguio Branch manipod 3:00 PM agingga 5:00 PM, Lunes aginggana Huwebes tapno alaen ti nadakamat a cash cards.
