--Ads--
Dumanonen iti 15 nga indibidual ti pimmusay gapu iti panakalmesda ita a Holy Week.
Daytoy ket sigun iti Philippine National Police.
Maibasar iti datos, 18 a kaso ti panakalmes ti nailista manipud Abril 16, 2025 a nangitunda iti ipupusay ti 15 nga indibidual.
Kadagiti nasao a biktima, siyam kadagitoy ket nataengan ken innem kadagitoy ket menor de edad.
Dagiti kaso ti panakalmes ket nailista sadiay Cavite; Batangas; Pangasinan; ken Tuba, Benguet.
Gapu iti dayta, nagballaag ni Philippine National Police Chief General Rommel Francisco Marbil a nasken nga agbalin a naridam ti publiko ken ti panagbantay dagiti nagannak kadagiti anakda kasta met a no mabalbalin ket agaramat dagitoy iti life vests.
