Dumanonen iti walo pulo ket lima nga indibidual ti pimmusay kalpasan ti panagcrash iti Jeju Air Flight 7C2216 idiay South Korea itay laeng agsapa.
Iti panakiuman ti Bombo Radyo kenni Roel Toquero, dumanon iti 181 a katao ti nakalugan iti daytoy a buklen ti sangagasut pito pulo ket lima a pasaheros ken innem a crew.
Maibasar iti report, nagtaud ti nasao nga eroplano manipud Bangkok, Thailand ken pa-landing daytoy iti Muan International Airport ti South Korea idi kellaat a bemtak ken nauram daytoy.
Kabayatanna, kinumpirmar met ti South Korea’s transport ministry a daytoy a pasamak ket maikonsidera kas deadliest air accident sadiay South Korea kalpasan ti tallo a dekada.
Adda met ti dua a crew members a naispal manipud iti tail section ti maur-uram nga eroplano nu sadino addan nga agpatpataming dagitoy iti ospital.
Iti agdama, manarimaan ti panagbirokda kadagiti bagi dagiti daduma a tattao a mabalin a naipurwak manipud iti eroplano.
Saan met a pinal ti bilang dagiti casualties ken manamnama a manayunan pay daytoy bayat ti maipatpatungpal nga operasyon ken imbestigasyon.
