Inyebkas ti Office of the Municipal Agriculture iti munisipyo ti La Trindad, Benguet nga umad-ado ti bilang dagiti ubbing a mannalon sadiay La Trinidad, Benguet.
Iti panakiuman ti Bombo Radyo kenni Nida Organo, municipal agriculturist iti munisipyo ti La Trinidad, kinunana a kadduan kadagiti mannalon a registered iti nasao a munisipyo ket agtawen iti 30 agingga 40.
Sigun kenni Organo ti maysa a rason nu apay nga adu dagiti ubbing a mannalon nga ag-talon ket gapu kadagiti nagduduma a programa ken interventions nga ipatpatungpal ti La Trinidad local government units para kadagiti mannalon.
Mainaig iti dayta, impetteng ti municipal agriculturist ti kinapateg ti panagrehistro dagiti mannalon iti Registry System for the Basic Sectors in Agriculture wenno RSBSA.
Inlawlawagna a saan a maka-avail iti assistance dagiti mannalon no saan dagitoy a nakarehistro kas mannalon iti nasao a munisipyo.
Iti agdama ket nasurok 7,000 a mannalon ti nakarehistro iti nasao a munisipyo.
