Pormalen nga insumitir ni Senate President Pro Tempore Panfilo Lacson ti resignation letter daytoy kenni Senate President Vicente Sotto III idi kalman para iti panaglusulosna kas dadaulo iti Senate Blue Ribbon Committee.
Daytoy ket kasaruno dagiti naawatna a pammabalaw manipod kadagiti kakadwana iti Senado seknan iti panangidaulona iti nasao a komite.
Impettengna nga adda dagiti kakadwana a senador ti mangar-aramid iti narrative a mangak-akusar kenkuana a salsalaknibanna dagiti miembro iti Kamara nga isu a maitudtudo a kangrunaan nga adda iti likudan dagiti naanomalyaan a flood control projects.
Nupay kasta, nainget a pinaglibakan daytoy ni Senator Lacson nu sadino, patienna nga ar-armiden laeng daytoy dagiti kritiko a saan nga umanamong iti panagregget nga ar-aramidenda tapno maimbestigaran a nasayaat dagiti iregulardidad.
Kagiddan dayta, impettengna nga awan iti political considerations seknan iti tignay daytoy kadagiti naipatungpal a panagdengngeg iti nasao a komite mainaig kadagiti naanomalyaan a flood control projects.
