Nagbalin nga inspirasyon ni Director/ Producer ti “INO” a ni Ranniel Semana dagiti pannubok ti biag tapno magun-odna dagiti arapaapna iti baet a broken family daytoy.
Gapu iti dayta,nagun-od ni Ranniel ti grand winner award iti documentary film dagitoy a napauluan ti “INO” iti kaleppas a Montañosa Film Festival 2024.
Iti interview ti Bombo Radyo kenkuana, kinuna a saan a lapped dagiti pannubok iti biag para kadagiti arapaap daytoy isu’t gapuna nga intuloyna ti panagporsege kadagiti arapaapna.
Kinuna a nangrugi ti arapaap daytoy kas maysa a film producer manipud pay nagsina dagiti nagannakna.
Kabayatanna, iti nasao a pelikula, nagun-od dagitoy ti Best Film Festival, Gold Documentary award ken dadduma pay.
Iti agdama, panggep ni Semana nga ituloy ti panag-aramidna kadagiti documentary film tapno makaipaay ti inspirasyon ken motivation kadagiti agbuybuya.//Rosemarie Bulsao
