Agtaltalinaed a problema kadagiti eskwelaan iti pagilian nangruna idiay Metro Manila ti bullying, sigun pailaeng iti Second Congressional Commission on Education (EDCOM II).
Maibasar iti report nga inruar ti EDCOM, nupay adda dagiti polisiya a mangprotektar ken mangresolba iti insidente ti bullying ket agtaltalinaed latta a nangato ti kaso ti bullying kadagiti estudyante.
Maibasar iti 2018 Programme for International Student Assessment (PISA), 65% kadagiti Grade 10 students iti pagilian ti makapadpadas iti bullying, sumagmamano a daras tunggal bulan.
Maibasar met iti 2022 PISA, adda ti bassit a bimmabaan ti kaso ti bullying ngem maysa iti tallo nga estudyante ti makapadpadas latta iti bullying tunggal lawas.
Maibasar pay iti datus ti Department of Education’s (DepEd) Learner Rights and Protection Office, 38 manipud iti 339 a kaso ti bullying ti nasolbar laeng manipud Nobyembre 2022 agingga Hulyo 2024.
Ti rehiyon a nakailista iti nangato a kaso ti bullying ket ti National Capital Region, sinaruno ti Calabarzon ken Central Luzon bayat a nailista laeng ti saggaysa a kaso ti bullying idiay Mimaropa, Bangsamoro Region, ken.
Kaadoan kadagiti naireport a kaso ket physical bullying ngem adda dagiti nagduduma a wagas iti panagbully kas iti verbal, relational, ken cyberbullying.
Mainaig iti daytoy, inrekomendar met ti EDCOM ti pannakaamyendar ti implementing rules and regulations ti Republic Act No. 10627 wenno ti Anti-Bullying Act of 2013 gapu ta sigun kadakuada ket “outdated ken saanen a responsive iti agdama a panawen.
