--Ads--
BAGUIO CITY – Dumanon iti P200,000 ti gatad dagiti nauram a kagawaan iti canteen ti Tuba Central National High School sadiay Upper Poblacion, Tuba, Benguet idi parbangon kalman.
Sigun kenni PMaj James Acod, hepe ti Tuba Municipal Police Station, rinespondian ti pulisya ken bombero ti nasao nga uram iti pasado alas-dose ti parbangon.
Kinunana a short circuit ti makitkitada a rason ti panakauram ti canteen.
Innayonna nga awan met ti nadangran iti insidente ken saan a naka-apektar daytoy iti klase dagiti estudyante sadiay. (with Bombo Brigitte Marcasi)
