Impalagip ni Cardinal Pablo Virgilio David idi laeng kalman kadagiti Katoliko a ti panagbutos iti sumaruno a Santo Papa ket maysa nga “spiritual discernment” ken saan a napolitikaan a pasalip.
Iti social media post, indagadag ni David kadagiti Katoliko nga “agtalekda iti trabaho ti Espiritu Santo”, kasta met iti College of Cardinals, a mangimaton iti panagpili iti sumaruno a Santi Papa.
Sigun kenni Cardinal David, ti “conclave” ket maysa a sagrado a gundaway, nga iturong saan a babaen ti kinalatak, nu diket babaen ti kararag, kinapakumbaba, ken ti panagdengngeg dagiti “sheperd” ti simbaan iti pagayatan ti Dios.
Kinuna pay ni David a ti panangaramid wenno panangibinglay kadagiti campaign videos, uray nu nasayaat ti panggep ket mabalin nga agbalin a napeggad ti panggepna.
Imbes nga ipakita ti suporta ken “preference” babaen kadagiti video, kinuna ni David a nasaysayaat no ikararagan dagiti “electors.”
