Ingagara a binangga ti Chinese Coast Guard ti BRP Teresa Magbanua nga adda sadiay Escoda Shoal.
Daytoy ket sigun kenni Philippine Coast Guard spokesperson for West Philippine Sea Commodore Jay Tarriela kabayatan ti maysa a press conference idi kalman.
Kinuna ni Tarriela a ti BRP Teresa Magbanua ket isu ti kadakkelan a barko ti Philippine Coast Guard a nakastation sadiay Escoda Shoal, 75 nautical miles wenno agaruo 139 kilometers ti kaadayona manipud Palawan island.
Impeksa ti nasao nga opisyal nga idi makita ti Chinese Coast Guard 5205 ti barko ti pagilian ket ditoy nga immasideg daytoy ken binanggana ti BRP Teresa Magbanua.
Saan laeng a namingsan a binanggana daytoy nu diket iti namin ado a daras.
Innayon ni Tarriela nga awan met ti inaramidda a saan a nasayaat tapno aramiden daytoy ti pagilian a China.
Iti nasao nga insidente, awan ti nailista a nadangran a personnel.
