--Ads--
Naituding a makipagkita ti Commission on Elections (Comelec) iti Office of the Solicitor-General tapno pagsaritaanda ti desision ti Korte Suprema a panangbaybay-an iti “second placer” doctrine bayat ti election disputes.
Pinasingkedan ti desision ti Korte Suprema nga uray nu madiskwalipikar ti “first placer” wenno makanselar ti kandidaturana, saan nga otomatiko a maideklara ti second placer a nangabak, ken maiyaplikar kitdi ti “succession.”
Sigun kenni Comelec Chairman George Garcia, makipagkitada inton Lunes iti Office of the Solicitor-General kagiddan metlaeng ti panagsaganada para iti motion for reconsideration nga ipila ti opisinana.
Kinuna ni Garcia nga iti baet ti desision, ti deliberasionda ket saan a naapektaran.
