--Ads--
Nangipatungpal ti Philippine National Police iti command conference idiay Camp Crame ita laeng nga aldaw kas panagsagana iti maikapat nga State of the Nation Address (Sona) ni President Ferdinand Marcos Jr. a maangay inton July 28, 2025.
Inatendaran daytoy dagiti district directors, dadaulo dagiti national headquarters’ directorates for operations, investigation, intelligence, ken police community relations,ken ti hepe iti National Capital Region Police Office.
Ti nasao nga addang sigun iti ahensya ket kas panangtungpal iti mandato daytoy a protektaran ken ipanamnama ti kinatalged ti publiko tunggal adda ti maangay a napapateg a national events.
