Pinatgan ti International Criminal Court Pre-Trial Chamber I ti panakaitantan ti panagdengngeg iti kaso ni sigud a President Rodrigo Duterte a maangay koma inton September 23.
Sigun iti ICC, nagkiddaw ti defense team ni Duterte iti indefinite adjournment gapu ta saan a fit ti sigud a presidente iti naitudig a confirmation of charges hearing.
Ti kiddaw ket pinatgan ni Presiding Judge Iulia Motoc ken ni Judge Reine Alapini-Gansou bayat a saan met immannugot ni Judge María del Socorro Flores Liera.
Iti agdama, awan pay ti naituding a baro a petsa para iti confirmation of charges hearing ti sigud a presidente iti Pilipinas.
Ni Duterte ket nakabalud wenno nakadetain ita iti Hague Penitentiary Institution gapu iti sangsangwenna a kaso a crimes against humanity mainaig iti nadara a kampanya kontra iligal a droga kabayatan ti administrasyonna.
