Nakasagana ti Contingency measure wenno Security plan ti gobierno iti kanito a mapasamak ti worst case scenario iti paset ti West Philippine Sea (WPS), nangruna ita nga agtultuloy ti kina-agresibo ti China iti panangpadasna nga umasideg iti BRP Sierra Madre Madre.
Malaksid iti dayta, nakasagana ti Armed Forces of the Philippines nga iyuswat ti nasao a security plan.
Sigun kenni National Maritime Council Spokesperson Usec Alexander Lopez, paset daytoy ti panagsaganada iti worst case scenario iti kanito a padasen ti China nga umasideg iti BRP Sierra Madre.
Impaganetget ni Lopez nga awan ti makalapped iti Pilipinas a mangisayangkat iti rotation and resupply missions para kadagiti tropa iti BRP Sierra Madre.
Iti agdama, baente kwatro oras a nakabantay ti tropa ken dokumentado dagiti amin a tignay dagiti barko ti China ken Chinese militia vessels iti West Philippine Sea.
