Balligi a nagleppas ti lima nga aldaw a panagsangaili ti Benguet iti 2025 edition ti Cordillera Administrative Region Athletic Association wenno CARAA a pinasetan dagiti walo nga school divisions idi laeng kalman.
Dagus metlaeng a naipakammo dagiti nangabak iti daytoy no sadino ti nagkampeon ti Baguio City, 1st place met ti probinsya ti Benguet; 2nd place ti Apayao; 3rd place ti Ifugao; 4rth place ti Abra; 5th place ti Mountain Province; 6th place ti Tabuk City bayat a 7th place met ti probinsya ti Kalinga.
Malaksid iti dayta, nabigbig ti siudad ti Baguio kas 1st place iti cleanest, greenest ken ecofriendly area no sadino makaawat dagitoy iti P20K ken plaque, 2nd place met ti Ifugao a makaawat iti P15k bayat a 3rd place ti Kalinga a makaawat iti P10K.
Nabigbig met ti Tabuk City kas most discipline no sadino makaawat dagitoy iti P20K ken plaque, 2nd place ti Kalinga a makaawat iti P15K bayat a 3rd place ti Ifugao a makaawat iti P10K.
Dagiti met nabigbig kas Best Delagate School ket 1st place ti Lucban Elementary School Division of Baguio, 2nd place ti Puguis Elementary School bayat a 3rd place met ti Lubas Elementary School.
Gapu iti dayta, dagiti nangabak nga atleta wenno naka-ala iti balitok a medalya ket mapagasatan a makipartisipar iti mapadpadaanan a Palarong Pambansa a maipatungpal idiay Laoag City, Ilocos Norte intun bulan ti Abril iti agdama a tawen.//Bombo Noveh Organo
