BAGUIO CITY – Binigbigbig ken pinadayawan ti Asia’s best mixed martial arts gym dagiti Cordilleran Athletes a nakipartisipar iti kallepas a Hanoi Seagames iti naisayangkat a Team Lakay Foundation 1st general assembly.
Sigun kenni Eduard Folayang, presidente ti Team Lakay Foundation a kasapulan a bigbigen ti sakripisyo ken kontribusyon dagiti atleta a nangibagi iti pagilyan a Pilipinas iti world stage.
Karaman kadagiti napadayawan da sigud a One Featherweight Champion ken bronze medalist Honorio Banario, Kickboxing gold medalist Gina Iniong Araos, Jean Claude Saclag, Muaythai gold medalist Islay Bomogao, Vovinam bronze medalist Jenelyn Olsim, Kickboxing bronze medalist Emmanuel Cantores, Kickboxing Silver medalist Zhapania Ngaya Kurash, Silver medalist Charmea Kingay Quelino ken dadduma pay.
Innayon pay ni Folayang a kasapulan met nga ituloy dagitoy a tumulong kadagiti programa ti gobyerno babaen iti panangipaay iti assistance kadagiti marigrigat a kakailyan ken libre a training ken scholarship kadagiti promising athletes.
Ti Team Lakay Foundation ket naorganisa mano a tawenen ti napalabas iti panangidaulo da Coach Mark Sangiao, Eduard Folayang ken dadduma pay a supporters dagitoy tapno agited kadagiti agkasapulan iti tulong ken nasubok ti kinatibker ti organisasyon dagitoy iti nagduduma nga outreach program ita a panawen ti pandemya.//JT
