--Ads--
BAGUIO CITY – Impanamnama ni Benguet Governor Melchor Diclas ti umdas a suplay dagiti highland vegetables iti baet ti COVID-19 crisis.
Kinunana nga agtultuloy ti panagsuplay ti Benguet kadagiti highland vegetables iti nagduduma a paset ti pagilian.
Inlawlawag ti gobernador a kabayatan ti enhanced community quarantine ket maipalpalubos latta ti panagtalon tapno makapataud dagiti mannalon iti umdas a nateng para iti nagduduma a merkado iti pagilian.
Inladawan ni Diclas kas “business as usual” ti mapaspasamak ita iti industria ti nateng sadiay Benguet.
Agtataud sadiay Benguet ti 85 porsiento kadagiti suplay ti highland vegetables iti intero a pagilian.
