Nabutosan ni Senator Pia Cayetano kas baro a chairperson ti Senate Blue Ribbon Committee, kas kasukat iti immunan a nangigem iti nasao a komite a ni Senator Rodante Marcoleta ken Senator Ping Lacson.
Daytoy ket iti tengnga ti imbestigasyon iti nasao a komite seknan iti maatap a naanomalyaan a flood control projects iti pagilian.
Kabayatanna, nadutokan met ni Senator Imee Marcos kas baro a chairperson ti Committee on Foreign Affairs, kas kasukat keni Senator Erwin Tulfo.
Agtalianed met ni Senator Camille Villar kas chairperson ti Committee on Environment, Natural Resources, and Climate Change .
Malaksid iti dayta, isu metlaeng ti mangidaulo iti Committee on Government Corporations and Public Enterprises.
Idauloan manen ni Senator Robin Padilla ti Committee on Constitutonal Amendments and Revision of Codes.
Ti panagbaliw ti liderato dagiti komite ket paset iti reorganization ti baro a liderato ti senado. //bombokaren.c.sapirao
