Impeksa ni Maria Cynthia Abalos, masya a violence against women advocate a dagiti babbai ket saan laeng a babbai agsipud ta dakkel ti akem dagitoy iti komunidad kasta met iti sangalubongan.”
Iti panakiuman ti Bombo Radyo kenni Abalos, impaganetgetna a rumbeng a saan nga itulok dagiti babbai a maabusoda kadagiti partners dagitoy gapu iti makunkuna a nalaos a panagayat dagitoy no sadino mamingsan saanda a maam-ameris a mapukpukawan dagitoy ti freedom wenno panakawaya-waya kadagiti nagduduma a banbanag iti biyagda.
Sigun kenni Abalos, adda ti nagduduma a klasen ti panag-abuso daytoy ket pakairamanan ti financial abuse, physical abuse ken psychological abuse.
Iti financial abuse, kinuna ni Abalos a daytoy ket maipapan iti saan a panangibaga dagiti asawa dagitoy iti kusto a sueldoda bayat a ti physical abuse ket ti panakadanog dagiti babbai wenno anyaman a panakadangran ti bagbagi dagitoy ken ti psychological abuse ket ti adda a panakatengngel wenno panakakontrol iti kapanunotan ti maysa a babai.
Kadagiti ado a karit a mapaspasaran dagiti babbai, imapaganetget ni Abalos a rumbeng ti panagbalin a natibker tapno adda a marisut dagiti amin a karit iti biyag.
Kinuna ni Abalos a babaen kadagiti advocacies nga ipatpatungpalda, adda nga agipapaay dagitoy inspirasyon kadagiti amin a babbai a nakapasar iti panag-abuso nga iti laksid ti nagdalananda ket mabalin ladta a maisublida ti sigud a bagida a napnoan iti dignidad.//M
