--Ads--
Nakemmeg dagiti suspek iti napasamak a shooting insident sadiay San Ramon, Manabo Abra idi laeng kalman.
Naarestar dagitoy babaen iti checkpoint nga impatungpal dagiti maseknan nga otoridad iti isu metlaeng nga aldaw.
Nabigbig dagiti biktima a da Rodel Bermudez ken ti asawana a ni Zoraida Bermudez, residente iti Barangay Patoc, Bucay Abra.
Dagus a naitaray dagitoy iti pagagasan ngem naideklara a pimmusayen ni Rodel Bermudez.
Nakompiskar kadagiti suspek dagiti sumagmamano nga ebidensia kas iti paltog nga inaramatda iti nasao nga insidente.
Iti agdama, imet itan dagiti otoridad dagiti nasao a suspek bayat a manarimaan ti imbestigasion iti motibo dagitoy.
