--Ads--
Natuloy ti impeachment trial kontra kenni Vice President Sara Duterte ita nga aldaw no sadino insango iti House prosecution panel ti baro a testigo a ni Philippine Statistics Authority (PSA) Assistant National Statistician Marizza Grande. tapno sungbatan dagiti damag maipapan iti mapapati nga indibidual a naitudingan iti confidential funds.
Sigun iti prosekusyon, mairaman dagiti opisyales ti PSA kadagiti agtestigo para iti imbestigasyon iti mapapati a misuse of confidential funds ni VP Sara gapu ta dagitoy nangisayangkat iti panangsukimat kadagiti nagan a nakasurat iti acknowledgement receipts kas iti Mary Grace Piattos no sadino naduktalanda a ti nasao nga indibidual ket saan a nayanak, saan a nangasawa, ken saan a pimmusay iti pagilian gapu ta awan ti opisial a rekordna iti PSA.
Inlawlawagda pay a gapu iti daytoy, maipakita a peke ken fictitious dagiti nasao nga indibidual, a mangipakita nga adda napasamak a manipulasyon ken saan nga umiso a panagaramat iti pondo ti publiko.
Ti testimonya ni Grande ket naisentro iti Article I iti impeachment case a mang-aakusar kenni VP Dutere iti panaglabsing iti linteg gapu iti sistematiko a misuse of funds ken saan nga organisado a liquidation ti confidential funds ti Office of the Vice President (OVP) nga aggatad iti P500 milyon ken P112.5 milyon iti Department of Education (DepEd).
Kabayatanna, intuding met iti Senate impeachment court da Commission on Audit (COA) employee Bresilio Sabaldan, DepEd Assistant Secretary Sunshine Fajarda, ken Police Major Jovelyn Magay a tumestigo iti impeachment trial manipud ita nga aldaw angingga Septiembre 9.//Bombo Khey Reparip
