Imbinglay ni House Private Prosecutor Lorna Kapunan a tarigagay ti prosecution panel nga isango ni Vice President Sara Duterte kas testigo iti impeachment trial kontra kenkuana.
Gapu iti daytoy, nagdesisyon ti prosecution a saanen nga ipresenta dagiti nabati a testigo para iti Article I mainaig iti mapapati a saan nga umiso a panagaramat ni VP Sara iti confidential funds.
Sigun kenni Kapunan, agkiddaw dagitoy iti opisyal a subpoena para iti bise presidente kalpasan a maibinglay dagiti Articles of Impeachment.
Panggep iti prosecution a direkta a maala ti statement ken benneg ni VP Sara maipapan kadagiti alegasyon kontra kenkuana.
Sigun met kenni lead defense Shiela Sison, saan mabalin nga agbalin nga agtestigo ni VP Sara kontra iti bagina.
Maipalagip a na-impeach ni VP Duterte iti House of Representatives idi Mayo 11, gapu iti alegasyon a pananglabsing iti 1987 Constitution, graft and corruption, betrayal of public trust, panagkikil, ken dadduma pay. // Bombo Khey Reparip
