Dumanon iti 257 ti death toll idiay Ethiopia kalpasan ti napasamak a panagregaay itay nabiit.
Nu pay kasta, posible a madoble dagiti bilang ti nagaburan nga indibidual kabayatan ti panakaituloy ti rescue operstion sigun iti United Nations Office for the Coordination of Humanitarian Affairs (UNOCHA).
Maibasar iti report napasamak ti napigsa a panagbayakabak ti tudo a nagresulta iti panagregaay iti Gofa Zone, Southern Ethiopia idi napalabas a Domingo a nakagaburan dagiti tattao bayat a kabayatan ti panakaipatungpal ti rescue operation idi Lunes ket napasamak manen ti panagregaay a nakagaburan met dagiti rescuers.
Agbalbalin met a karit ti panakabirok dagiti bangkay ti daduma nga indibidual gapu iti agtultuloy a panagtudtudona ken gapu ta delikado ti nasao a lugar.
Iti nasao nga insidente, nasken a maevacuate dagiti agarup 15-K a tattao tapno maliklikan ti sabali pay nga insidente ti panakagabor.
