Impakaammo ti defense lawyers ni sigud a president Rodrigo Duterte a saan dan a mangipila manen iti motion for reconsideration iti kiddawda a madiskualipikar ti dua a hues a patienda a bias iti panagdangeg ti crimes against humanity case kontra kenni Duterte.
Sigun kenni Nicholas Kaufman, abogado ni Duterte a saandan a kariten ti desision ti ICC a nangibasura iti immuna a kiddawda.
Inlawlawag ti International Criminal Court nga iti sidong ti Rome Statute, mabalin nga aramiden dagiti hues ti trabahoda iti nadumaduma a stages ti kaso a saan a mangpataud iti bias.
Kabayatanna, pinaglibakan ni Kaufman a nairaman ni Duterte iti pannakadadael dagiti ebidensia iti drug war.
Kasaruno daytoy iti kinuna ni Justice Secretary Jesus Crispin Remulla a nadadael ti sumagmamano a kangrunaan nga ebidensia iti drug war.
