Nagsagrap iti katorse a panakabagbagsol ti agdadagsen wenno masikog a babae idiay Florida kalpasan a nagorder iti pizza.
Iti imbestigasyon dagiti kameng iti pulisya, agparparang a saan a napnek ti suspect a delivery rider iti impaay kenkuana ti biktima a $2tip.
Napasamak ti insidente iti Riviera Motel idiay Kissimmee, Florida idi laeng December 22, 2024 a dagus met a rinespondean dagiti otoridad.
Naitaray iti pagagasan ti biktima a nabigbig a ni Melinda Irizarry nu sadino, naipasidong daytoy ti emergency surgery gapu iti ruptured lung ken panagsagrapna iti sugat iti nagduduma a paset iti bagina kas iti barukong, takyag, luppo, ken tiyan.
Iti agdama, addan daytoy iti nasayaat a kasasaad bayat a ti suspect nga agtawen iti 22 a nabigbig a ni Brianna Alvelo ket naarestar ken posible a sumango iti kaso nga invasion with a firearm, attempted murder, kidnapping,ken aggravated assault violations.
Kabayatanna, sarsraken paylaeng met dagit otoridad ti lalaki a kadwa ni Alvelo a nakatray kalpasan ti insidente.
