BAGUIO CITY – Pimmusay ti maysa a food delivery rider kalpasan a nadungpar sadiay sadiay Romulo Drive, Baguio City.
Nabigbig daytoy a ni Jake Salazar Sillorequez, 33-anyos, ken residente iti siyudad ti Baguio.
Sigun iti Traffic Enforcement Unit ti Baguio City Police Office, suspek iti nasao nga insidente ni Francis Miguel Reyes Cabudol, 28- anyos, maysa nga online seller ken residente met laeng ditoy siudad.
Immuna iti daytoy, dinungpar ni Cabudol ti police mobile a nakaparada iti igid ti kalsada ken nagdirdiritsu daytoy agingga a nadungparna ti nakamotorsiklo a biktima.
Dinungpar pay ti suspek ti tallo a kanayunan a lugan iti nasao a lugar.
Malaksid iti motorcycle rider, nadangran iti nasao nga insidente ti maysa a senior citizen a nabigbig a ni David Annayo Lumatac, a residente iti Kias, Baguio City.
Sumangsango ita ti suspek iti kaskenan a kaso.
Maipalagip a maysa met laeng a vehicular traffic accident ti napasamak idi kalman sadiay Irisan Baguio City a nakadangran ti maysa a motorcycle rider.
