Kalkalikaguman ti Department of Education ti pannakapa-atiddog ti oras ti work immersion dagiti Senior High School (SHS) para inton sumaruno nga school year 2025-2026.
Daytoy ket maysa kadagiti singasing ti DepEd para iti proposed enhance senior high school cirruculum.
Iti pannakiuman ti Bombo Radyo kenni Jennifer Ande, Doctor of Philosophy in Education, Communication and Education Support Curriculum and Learning Management Division (CES- CLMD), mapagbalin a buo nga second sem ti work immersion dagiti senior high school manipud iti 80-320 hours ket agbalin daytoyen a 320- 640 hours.
Dayta ket agpada a para kadagiti academic track ken technical profesional wenno techno pro no sadino ket apaman a sumrek dagiti grade 12 students iti 2nd semester ket mangrugi met ditan iti work immersion dagitoy.
Daytoy ket gapu ta saan a nakasagana dagiti studyante apaman a makagraduar dagitoy a sumrek kadagiti serkenda a pagtrabahuan.
Impeksana pay a ditoy rehiyon Cordillera manmanu pylaeng dagiti naggraduar iti senior high school a nakastrek kadagiti pagtrabahuan ken kaadduan kadagitoy ket nagtuloy iti kolehiyo.
Gapu iti dayta, maragsakan dagiti sumagmamano a nakipaset iti consultation nangruna kadagiti studyante agsipud ta nabayag a kalkalikagumanda ti panaka-iyaplikar wenno practical application dagiti sinursuroda.
Impeksana pay a maysa kadagiti karit a napasarab dagitoy idi kaunaan a nai-apply ti work immersion ket mabuteng dagiti sumagmamano nga industries a mang-acceptar iti work immersion gapu ta baka madadaelda ti alikamen dagitoy.
Kadawyan ngamin ket more of clerical wenno taga-timpla ti kape ti maipatpatrabaho kadagiti work immersion students ngem itan ket sigsiguraduen ti DepEd a babaen iti panakanayon wenno atidug nga oras ti work immersion ket makasursuro dagiti estudyante.
Mangnamnamama met ni Ande nga apaman a maifinalize ti nasao a proposal ket adu pay dagiti makapartnerda nga industries para iti na-ananay a work immersion experience dagiti estudyante.//Bombo Noveh Organo
