--Ads--
Namnamaen ti Department of National Defense ti nalawlawa a kooperasion ti Pilipinas seknan iti seguridad iti NATO.
Iti naisayangkat a panagtaripnong idiay Paris, kinuna ni Defense Secretary Gilberto Teodoro, Jr. a napateg ti nalawlawa a kooperasion bayat a kumarkaro dagiti karit iti global security.
Kinumpirmar met ni NATO’s Chair of the Military Committee Admiral Giuseppe Cavo Dragone ti panagsagana iti NATO a makitinnulong iti Pilipinas.
Panggep ti dua a dasig nga ad-adda a mapapigsa ti panagsinnukat ti impormasion ken kasayaatan nga aramid tapno marisut dagiti pangta iti sangalubongan a seguridad.
