--Ads--
Isayangkat ti Bureau of Immigration (BI) ti deportation proceedings kontra iti American pastor a naarestar gapu iti maatap a panang-abuso kadagiti 160 nga ubbing iti maysa nga amponan idiay Mexico, Pampanga.
Maipalagip a naarestar daytoy idi August 13, gapu iti maatap a pisikal a panang-abusona kadagiti ubbing.
Napasamak daytoy iti uneg ti amponan nga ipatpataray ti social welfare and development agency.
Maatap a nakapasar dagiti ubbing iti panagbisin, naitali babaen iti kawar, naikulong iti banio ken dadduma pay.
Inyunay-unay ni BI Commisioner Joel Anthony Viado a siguraduenda a sangwen ti nasao a pastor ti kasona iti pagilian, mai-deport ken maparitan a sumrek iti pagilian.
