DILG Sec. Jonvic Remulla, nagkiddaw iti dipensar iti immuna a kinunana iti kaso ni sigud a Cong. Zaldy Co

Nagkiddaw iti dispensar ni Department of the Interior and Local Government Secretary Jonvic Remulla seknan iti immuna a kinunana iti kaso ni sigun a Congressman Zaldy Co.

Immuna a nakuna ni Remulla a posible a maisubli iti pagilian a Pilipinas ni Co iti uneg ti maysa a gingga tallo a lawas.

Iti baet dayta, inaklon ni Remulla a nagbiddut iti panangipagarupna a ti pannakaiyawid ni Co ket kas iti proseso ti panagawid dagiti indibidual nga awanan iti travel documents iti sabali a pagilian.

Maipalagip nga immuna a naipadamag a naarestar ni Co kalpasan a simrek iti Czech Republic nga awan ti umdas a dokumento.

Nupay kasta, kinompirmar ti Department of Justice idi Martes nga awanen ni Co iti kostudiya dagiti otoridad sadiay Czech Republic.