Kinarit ni Department of Interior and Local Government (DILG) Secretary Jonvic Remulla ni sigud a senador Antonio Trillanes a mangiruwar daytoy iti ebidensya nga adda ti International Criminal Court warrant of arrest kontra kenni Senator Ronald Dela Rosa.
Sigun kenni DILG Secretary Remulla, saanna a maawatan nu anya ti pudno a motivo ni sigud a senador Trillanes gapu kanayonna a punpuntiryaen ni Senator Dela Rosa.
Innayunna nga ammo dagitoy nu ayna ti lokasyon ti Senador idiay Davao isu’t gapu na a kweskwestionaranna nu apay a kasapulanda a biruken ni Senator Dela Rosa.
Dinakamatna pay a nu adda ti maiparang ni sigud a senador Trillanes ket personal a mapan daytoy idiay Davao tapno arestarenna ni Senator Bato Dela Rosa. // Bombo Karen Calpoe Sapirao
