Kinompirmar ni Philippine Ambassador to Washington Jose Manuel Romualdez nga inikkatda ti diplomatic ken tourist visas nga impaulogda kenni sigud a House speaker Martin Romualdez.
Nupay kasta, kinuna ti embahada ti Estadus Unidos sadiay Manila a kompidensial ti impormasyon ken panggeddeng mainaig iti visa records ni Romualdez.
Immuna a kinompirmar ti top Philippine government official a nakanselar ti A-1 diplomatic visa ken B1/B2 non-immigrant visa ni Romualdez, sumagmamano a lawas ti napalabas.
Maipalagip a karaman ni Leyte Representative Romualdez kadagiti maim-umbestigaran gapu iti maatap a pakainaiganna iti naanomalyaan a flood control projects iti pagilian.
Sigun kenni Ombudsman Jesus Crispin Remulla, posible a sumango ni Romualdez iti indictment gapu iti plunder ken malversation babaen ti falsification of public documents. Agpada a non-bailable offenses.
Kabayatanna, adda paylaeng iti sidong ti provisional hold order ni Romualdez bayat naipaulog ti freez order kadagiti sumagmamano nga assets na.
Inlibakna amin dagiti pammabasol ken namakdaar a saan nga agbalin a “scapegoat” wenno “fall guy.”
