Inlawlawag dagiti designers ti Giant Christmas Tree a saan a dimmunon iti milyones a kwarta ti nabusbos dagitoy iti panakaaramid ti nasao a christmas tree sadiay Upper Session Road, Baguio City.
Iti panakiuman ti Bombo Radyo kenni Resty Lopez, local artist kinunana nga awan ti naaramat a synthetic naggastusan dagitoy malaksid laeng kadagiti christmas lights.
Sigun kenni Lopez, nabaelan dagitoy a buklan ti nasao a disenyo babaen iti kolaborasyonda iti City Buildings and Architecture Office kasta metten ken Baguio Tourism Officer Engr. Alec Mapalo.
Inlawlawag ni Lopez a napununotda ti naidumduma a disenyo rason a nagaramid dagitoy iti christmas babaen iti panagaramat iti kawayan.
Kinunana nga agarup 15 nga aldaw ti binusbus dagitoy nga aldaw tapno maaramid ti nasao a christmas tree.
Impettengna a nag-overtime pay dagitoy tapno maileppas a dagus agsipud ta naladawda a rinugyan gapu metlaeng ti naladaw a naaprobaran daytoy.
Kinunana nga agarup 5 agingga 8 dagitoy a nagaramid iti nasao a christmas tree.
Nupay kasta, nagbalin a karit kadakuada ti time frame a naipaay kadakuada.
Malaksid iti dayta, ket ti sorting ti kawayan ken ti panakaalana sadiay Bulacan.
Inaklonna a narigatan pay dagitoy a nangitarimaan gapu iti kinatayagna no sadino addaan daytoy iti katayag a nasurok 30 ft.//Bombo Noveh Organo
